المغني : محمد عبد الوهاب وليلى مراد
الشاعر : أحمد رامي
الملحن : محمد عبد الوهاب
المقام : عجم
القالب : حوارية
أداة النشر : السينما – فيلم يحيا الحب
السنة : 1938
الكلمات:
عبد الوهاب: يا دي النعيم اللي انتَ فيه يا قلبي من بعد العذاب
كان لك حبيب تشتاق إليه وارتدّ لك بعد الغياب
كانت سحابة وراق الكون من بعد ما حجبك عني
وكان خيالِك كلّه ظنون في اللّي بدا لعينِك منّي
ليلى مراد:والجو راق وارتاح البال واتطّمن القلب الحيران
وسعدت الروح واتهنّت بالقرب من بعد الهجران
يا دي النعيم
عبد الوهاب: إنتِ اللي كنتِ السبب في الهجر ده والخصام
وكان صدودِك عجب، حرّم عيوني المنام
ليلى مراد: ده ذنب قلبي من كُتر حبّي يميل إليك ويغير عليك
عبد الوهاب : وليه تغيري؟ والغيرة نار…
ليلى مراد: عينيا شافت وعقلي طار
عبد الوهاب: صحيح تغيري عليّ؟ صحيح تغيري عليّ
ليلى مراد: خُـد الجواب من عينيّا إنتَ قاسيت من بعادي؟
عبد الوهاب: تنسي ليالي سهادي وتنسي ليه ليه ليه؟
ليلى مراد:وفاكر إيه؟
عبد الوهاب فاكر وجودُه بين إيديكِ
وعينيّ بتكلّم عينيكِ تخلصي لي
ليلى مراد : مخلصة لك في غرامي عالدّوام
عبد الوهاب: وتقولي لي عَ اللّي يضني القلب من نار الغرام
ليلى مراد: حَ قول لّك كلّ ما تألّم في حبي وانتَ ما تخبّيش عليّا
عبد الوهاب: يا روحي ده انتِ ساكنة جوّه قلبي
تعرفي إيه اللي بيّا تعرفي إيه اللي بيَّا
يا روحي يا روحي